Kultivo një natyrë të gëzueshme; përpiqu, për aq sa varet nga ty, që gjithnjë të shfaqësh një buzëqeshje; kujto që kjo është po aq një urdhërim i Perëndisë, sa ai që thotë: “Ti do ta duash Zotin me tërë zemrën tënde”. Le të marrim arin e pastër të falënderimit dhe gurët e çmuar të lavdërimit dhe t’i shndërrojmë këto në një tjetër kurorë për kokën e Jezusit. Kur është vepra e Zotit ajo për të cilën gëzohemi, nuk duhet të kemi frikë se mos tregohemi më tepër të gëzueshëm se duhet. Natyra e gëzueshme i shkon shumë për shtat të krishterëve. Lumturia është xhevahiri kurorë i një jete të lumtur.