Psalmi 120

BIBLA SHQIP—PËRKTHIMI DIODATI I RI I RISHIKUAR


Lutje për t’u çliruar nga mashtrimet

120:1 Në ankthin tim i klitha Zotit, dhe ai m`u përgjigj.

120:2 O Zot, më çliro nga buzët gënjeshtare dhe nga gjuha mashtruese.

120:3 Çfarë do të të japin ose çfarë do të të shtojnë, o gjuhë gënjeshtare?

120:4 Shigjeta të mprehta të një trimi, me qymyr dëllinje.

120:5 I mjeri unë, që banoj në Meshek dhe që strehohem në çadrat e Kedarit!

120:6 Tepër gjatë kam banuar me ata që e urrejnë paqen.

120:7 Unë jam për paqen; ata përkundrazi, kur unë flas, janë për luftën.