BIBLA SHQIP—PËRKTHIMI DIODATI I RI I RISHIKUAR

Lutje në një situatë rreziku shumë të madhe

142:1 Unë i këlthas me zërin tim Zotit; me zërin tim i lutem Zotit.

142:2 Para tij paraqes vajtimin tim, para tij parashtroj fatkeqësinë time.

142:3 Kur fryma po më dobësohej, ti e dije ecjen time. Ata kanë përgatitur një lak për mua te shtegu që po kaloja.

142:4 Vështroj në të djathtën time dhe ja: nuk ka njeri që të më njohë; çdo rrugë shpëtimi është e mbyllur; asnjeri nuk kujdeset për jetën time.

142:5 Unë të këlthas ty, o Zot, dhe të them: “Ti je streha ime, pjesa ime në tokën e të gjallëve.

142:6 Dëgjo me vëmendje klithmën time, sepse jam katandisur si mos më keq; më çliro nga përndjekësit e mi, sepse janë më të fortë se unë.

142:7 Më nxirr nga burgu që të mund të kremtoj emrin tënd. Të drejtët do të mblidhen tok rreth meje, sepse ti do të më mbushësh me të mira”.